የዶ/ር ወዳጄነህ መሐረነን ስምና ምስል በመጠቀም ከቀናት በፊት የተከፈተ የትዊተር አካውንት!

መጋቢት 4፣ 2015 ዓ.ም

የዶ/ር ወዳጄነህ መሐረነን ስምና ምስል በመጠቀም ከቀናት በፊት የተከፈተ የትዊተር አካውንት መኖሩን ተመልክተናል።

አካውንቱ አሁን ላይ 741 ተከታዮችን ማፍራት የቻለ ሲሆን ፖለቲካዊ ይዘት ያላቸውን መልዕክቶች ሲያጋራ አስተውለናል።

በዚህም በመቶዎች የሚቆጠሩ ግብረ-መልሶችን በማግኘት ላይ ይገኛል።

ከላይ የተጠቀሰው አካውንት የእርሳቸው አለመሆኑን ዶር ወዳጄነህ ለኢትዮጵያ ቼክ አሳውቀዋል።

በተመሳሳይ የዶ/ር ወዳጄነህን ስምና ምስል በመጠቀም የተከፈተና አሁን ላይ ከ3,600 በላይ ተከታዮች ያሉት የፌስቡክ ገጽም የእርሳቸው አለመሆኑን የገለጹ ሲሆን በስማቸው የተከፈተ የትዊተርም ሆነ የፌስቡክ ገጽ እንደሌላቸውም አሳውቀዋል።

ዶ/ር ወዳጄነህ በተለያዩ ሚዲያዎችና መድረኮች በተለይም ማህበራዊና መንፈሳዊ ጉዳዮችን የተመለከቱ አስተያየቶች በመስጠት ይታወቃሉ።

ተመሳስለዉ የተከፈቱ የማህበራዊ ትስስር ገጾች እና አካዉንቶች ለሀሰተኛ እና አሳሳች መረጃዎች ሊያጋልጡን ስለሚችሉ ጥንቃቄ እናድርግ።