ሚያዚያ 25፣ 2015 ዓ.ም

‘Finfinnee Free Post’ የሚል ስም እና ከ294 ሺህ በላይ ተከታዮች ያሉት የፌስቡክ ገጽ “በአማራ ክልል ለሶስት ወራት የሚቆይ የአስቸኳይ ጊዜ አዋጅ ታውጇል” የሚል መረጃ አጋርቷል።

ይህን በሰበር ዜና መልኩ የቀረበ መረጃ ከ50 በላይ የፌስቡክ ተጠቃሚዎች መልሰው ያጋሩት ሲሆን ከ60 በላይ የሚሆኑ ደግሞ ሀሳብ እና እስትያየታቸዉን ሰጥተዉበታል።

ይህ መረጃ ከ‘Finfinnee Free Post’ ፌስቡክ ገጽ በተጨማሪ በርከት ባሉ የፌስቡክ አካዉንቶች እና ገጾች መጋራቱንም ተመልክተናል።

ኢትዮጵያ ቼክ መረጃዉን በተመለከተ የአማራ ክልል ኮሙኒኬሽን ቢሮ ሃላፊ አቶ ግዛቸው ሙሉነህን የጠየቀ ሲሆን እርሳቸዉም መረጃው “ውሸት ነው” ብለዋል።

በሰበር መልክ የሚቀርቡ አጠራጣሪ መረጃዎች ለሀሰተኛ እና የተሳሳቱ መረጃዎች ሊያጋልጡን ስለሚችሉ ከማመናችን እና መልሰን ከማጋራታችን በፊት ጥንቃቄ እና ተገቢዉን ማጣራት እናድርግ።