ዛሬ እኩለ ቀን ላይ በአዲስ አበባ የጦር አውሮፕላኖች ዝቅ ብለው በፍጥነት ሲበሩ ተስተውሏል፣ ይህን ተከትሎም በማህበራዊ ሚዲያ የተለያዩ መላ ምቶች ሲሰጡ ተመልክተናል።

ኢትዮጵያ ቼክ ጉዳዩን በተመለከተ የመከላከያ ህዝብ ግንኙነት ዳሬክተር ኮሎኔል ጌትነት አዳነን ጠይቋል።

ኮሎኔሉ የጦር አውሮፕላኖች ልምምድ እያደረጉ መሆናቸው የገለጹ ሲሆን ልምምዱም በመጨው ሀሙስ በሚከበረው የአድዋ በዓል ለሚቀርብ ትርዒት መሆኑን አስታውቀዋል።

በጉዳዩ ዙርያ አንድ የአቪዬሽን ባለሙያ የፍላይት ራዳር መረጃን በመጥቀስ በሰጠን አስተያየት “የጦር ጀቶቹ ሲበሩ የነበረው ለመሬት ዝቅ ብለው እና በእጅግ ከፍተኛ ፍጥነት ነበር” ብሏል።

ባለሙያው አክሎም “ለዚህ ልምምድ የአዲስ አበባ የአየር ክልል ለበርካታ ደቂቃዎች ዝግ ተደርጎ ነበር” ብሎ አስረድቷል።