በየቀኑ መረጃ ስንፈልግ የምንጎበኛቸው በርከት ያሉ የሚዲያ ድረ- ገጾች እና የማህበራዊ ትስስር ገጾች አሉ። ከሁሉም ድረ-ገጾች እና የማህበራዊ ትስስር ገጾች እውነተኛ መረጃ እናገኛለን ማለት ግን አይደለም። አንዳንዶቹ በአንጻራዊነት እውነተኛና ታማኝ መረጃ ያደርሳሉ።

በአንጻራዊነት እውነተኛና ታማኝ መረጃ የሚያደርሱ ሚዲያዎች በድረ-ገጻቸው እና በማህበራዊ ትስስር ገጻቸው እንዲሁም በዘገባዎቻቸው የሚከተሉትን ጠቃሚ ማብራሪያዎች እና መረጃዎች በግልጽ ያስቀምጣሉ።

· ስለ ኤዲቶሪያል ነጻነታቸው ያብራራሉ (a statement of editorial independence):- በአንጻራዊነት እውነተኛ መረጃ የሚያሰራጩ ሚዲያዎች ነጻና ገለልተኛ ስለምሆናቸው ወይንም የሶስተኛ ወገን ተጽዕኖ እንደሌለባቸው ማብራሪያ ይሰጣሉ።

· ስለ ሚዲያው ማንነት በግልጽ ይናገራሉ (an ‘About’ page for the publication):- በአንጻራዊነት እውነተኛ መረጃ የሚያሰራጩ ሚድያዎች ስለማንነታቸው እና ስለሚሰሩት ስራ ያብራራሉ። አድራሻቸውን (ቦታ፣ ስልክ ቁጥር፣ ኢሜል፤ ወዘተ) በግልጽ ያሳውቃሉ።

· ስለጋዜጠኞቻቸው ማንነት የተሟላ መረጃ ይሰጣሉ (reporters bios and contact information) በአንጻራዊነት እውነተኛ መረጃ የሚያሰራጩ ሚዲያዎች ስለዘጋቢዎች፣ ስለጸሀፊዎችና አርታኢዎች ዳራ (bio) የሚያብራሩ ሲሆኑ አድራሻቸውንም ያስቀምጣሉ።

· የመረጃቸውን ምንጭ ግልጽ ያደርጋሉ:- በአንጻራዊነት እውነተኛ መረጃ የሚያሰራጩ ሚዲያዎች የመረጃ ምንጫቸውን ማንነት በግልጽ ያሳውቃሉ።

· የዘጋቢውን ወይንም የጸሀፊውን ስም ይጠቅሳሉ (byline on news and articles):- በአንጻራዊነት እውነተኛ መረጃ የሚያሰራጩ ሚዲያዎች የዜናውን ዘጋቢ ወይንም የጽሁፉን ጸሃፊ ስም በግልጽ ያስቀምጣሉ።

· ስለ ፎቶግራፎች በቂ መረጃ ይሰጣሉ (Caption and source information for photos):- በአንጻራዊነት እውነተኛ መረጃ የሚያሰራጩ ሚዲያዎች ስለተጠቀሟቸው ፎቶግራፎች ማብራሪያ (caption) ይሰጣሉ። እንዲሁም የፎቶግራፍ አንሽውን ማንነት በግልጽ ይናገራሉ ወይንም ምንጩን ይጠቅሳሉ።