“Garowe Online” የተባለው ሚድያ ይዞት የወጣው የተሳሳተ የዜና አርዕስት!

የውጭ ጉዳይ ሚኒስትር ቃል አቀባይ አምባሳደር ዲና ሙፍቲ ባለፈው ሀሙስ እለት በነበራቸው ጋዜጣዊ መግለጫ ላይ አሜሪካ እና ሌሎች ሀገራት የኢትዮጵያን ጉዳይ ከኢትዮጵያ ጋር እንጂ ከሌሎች ሀገራት ጋር መወያየት እንደሌለባቸው ጠቁመው ነበር።

“Garowe Online” የተባለ በአብዛኛው በሶማልያ ጉዳዮች ላይ የሚያተኩር ሚድያ ግን ይህን መረጃ በአርዕስቱ ላይ አሳስቶ በማቅረብ “[ጠ/ሚር] አብይ አህመድ ኬንያ በሀገሪቱ ባለው ግጭት ዙርያ ያላት ተሳትፎ ላይ ጥያቄ አነሱ” የሚል ዜና አስነብቧል።

ቃል አቀባዩ የተናገሩት ትክክለኛው የእንግሊዘኛ ቃል ይህ ነው “Instead of taking matters that concern Ethiopia to third parties, we invite the U.S. and other countries to engage with us directly.”

ይህም ሚድያው በዘገባው አርዕስት ላይ የተጠቀማቸው ቃላት የተሳሳቱ መሆናቸውን ማየት ይቻላል፣ ይሁንና በዋናው ዜናው አካል ላይ ይህን ስህተት አርሟል። የተሳሳተ አርዕስቱን ግን እስካሁን አላስተካከለም።

ይህ በግልፅ እንደሚያስረዳው አንዳንድ ሚድያዎች በስህተትም ይሁን በማወቅ አርዕስታቸው ላይ አሳሳች የሆኑ ነገር ግን ቀልብን የሚስቡ ፅሁፎችን ያስቀምጣሉ፣ ይህም ከአርዕስት በዘለለ ከፍተው የማያነቡ ሰዎችን ለሀሰተኛ መረጃ ስርጭት ያጋልጣል።

ወቅታዊ መረጃዎችን ቀጥታ በኢሜልዎ ለማግኘት ይመዝገቡ

    ያቀረቡትን የግል መረጃ በግላዊ መመሪያችን መሠረት እንጠብቃለን::