ከ183 ሺህ በላይ ተከታይ የነበረው እና በጋዜጠኛ ቤተልሄም ታፈሰ ስም እና ምስል ተከፍቶ የነበረ የፌስቡክ ገፅ ተዘግቷል!

ከ183 ሺህ በላይ ተከታዮች የነበረው እና የጋዜጠኛ ቤተልሔም ታፈሰን ስም እና ምስል በመጠቀም ተከፍቶ የነበረ የፌስቡክ ገጽ የእርሷ አለመሆኑን ጋዜጠኛዋ  ለኢትዮጵያ ቼክ ባሳለፍነው ሳምንት አረጋግጣ ነበር፣ እኛም ይህን መረጃ ለተከታታዮቻችን አቅርበን ነበር። አሁን ፌስቡክ ገፁን መዝጋቱን ተመልክተናል።

በዚህ ሀሰተኛ ገጽ በየዕለቱ በአማርኛ፣ በአፋን ኦሮሞ እና በእንግሊዘኛ ቋንቋዎች የፖለቲካ ይዘት ያላቸው በርካታ መልዕክቶች የሚለጠፉበት ነበር። በገፁ ላይ የሚቀርቡ የነበሩት ፅሁፎች በጣም አነጋጋሪ፣ ሌሎቹ ደግሞ በሀሰተኛ መረጃ ላይ ተንተርሰው የሚቀርቡ ስለነበሩ በአጭር ግዜ በርካታ ተከታዮችን ለማፍራት ችሎ ነበር።

ተመሳስለው የተከፈቱ ሀሰተኛ ገጾችን እና አካውንቶችን ባለመከተል ከሀሰተኛና ከተዛቡ መረጃዎችን ስርጭት እራስዎን ይጠብቁ።

ወቅታዊ መረጃዎችን ቀጥታ በኢሜልዎ ለማግኘት ይመዝገቡ

    ያቀረቡትን የግል መረጃ በግላዊ መመሪያችን መሠረት እንጠብቃለን::