HDU በሚል ስያሜ

የማጭበርበር ድርጊት ላይ የተማራ የኦንላይን እንቅስቃሴ!

ከጥቂት ወራት በፊት ጀምሮበውጪው ዓለም ተዘውታሪና ተወዳጅ የሆነው online business ወደ ሀገራችንም ብቅ እያለ ነው፣ በጥቂት ጊዜ ውጤታማ የሚያደርገን ስራ ነውበሚል ማስታወቂያ በርካታ ግለሰቦች HDU የተባለውን እንቅስቃሴ ተቀላቅለዋል። 

ዳጎስ ያለ ክፍያን በቀላሉ ማግኘት ያስችላል የተባለለት ይህ እንቅስቃሴ ሰዎች አንድ አመት አብረውት እንዲቆዩ፣ በዛውም ረዘም ላለ ግዜ ከሰዎች ገንዘብ ለመሰብሰብ እንዲያግዘው ከአንድ ዓመት በኋላ ተመላሽ የሚሆን ከ50 ዶላር ጀምሮ በድርጅቱ ውስጥ ማስቀመጥን ግዴታ ማረጉን ለማየት ችለናል። 

ኢትዮጵያ ቼክ HDU የሚሰራው ስራ፣ የሚሰጠው አገልግሎት ወይም የሚያቀርበው ምርት ምን እንደሆነ ሁለት የድርጅቱ የኢትዮጵያ ወኪል ነን የሚሉ ግለሰቦችን በቴሌግራም አነጋግሮ ነበር። 

ይሄ በ50 ዶላር ብቻ የሚሰራ ስራ ነው፣ ስለዚህ በትንሽ ብር HDU ለብዙዎች ከፍ ያለ እድል ይዟልየሚለው የHDU Express አባል የሆነው አዲስ መኮንን ስራው ምርቶችን ማስተዋወቅ እንደሆነ ይጠቅሳል። ምርቶቹ ምን እንደሆኑ ግን ግልፅ ለማድረግ ፈቃደኛ አይደለም። 

ሌላኛው በ HDU_Ethiopia እሰራለሁ የሚለው ግለሰብ ስሙ እንዳይጠቀስ ጠይቆ እንዲህ ብሏል: “ድርጅቱ አሜሪካ ውስጥ ባሉ ማናጀሮች ይመራል። ስራው በቀላሉ የኮሚሽን ስራ ነው፣ ሰዎች የሚሰጣቸውን ስራ ሲሰሩ ኮሚሽን ይከፈላቸዋል።ልክ እንደ አዲስ መኮንን፣ ይህኛው ግለሰብም ስራው ምን እንደሆነ ለመግለፅ አልቻለም። 

ኢትዮጵያ ቼክ መመልከት እንደቻለው እንቅስቃሴው ከጀማሪ አባሎች 50 ዶላር፣ ከመካከለኛ አባሎች 200 ዶላር እንዲሁም ከሲኒየር አባሎች 800 ዶላር በአባልነት ለመጀመር ይቀበላል። 

ይህ እንቅስቃሴ ልክ ፊያስ በሚል ስያሜ እንደሚታወቀው የፒራሚድ እንቅስቃሴ በቅርብ ሳምንታት የብዙ ሰዎችን ገንዘብ ይዞ ተሰውሯል፣ የተወሰኑት ደግሞ አሁንም ስራቸውን ቀጥለዋል። 

ነገር ግን HDU አሁንም ሰራተኞቹ በብር እንዲከፈላቸው ከኢትዮጵያ ብሄራዊ ባንክ ጋር ስምምነት እንደፈፀመ ገልፆ ስራውን ለመቀጠል እየሞከረ ነው፣ ኢትዮጵያ ቼክ ግን ይህ ፍፁም የተሳሳተ መረጃ እንደሆነ ያገኘው መረጃ ይጠቁማል። ከዚህ በተጨማሪ HDU የተባለ የኦንላይን ስራ አሜሪካ ውስጥ እንዳለ ተደርጎ ሲቀርብ የነበረው የተሳሳተ እንደሆነ ማየት ችለናል። 

ከዚህ በተጨማሪ አንዳንዶቹ HDU ውስጥ ያሉ የቴሌግራም ባለቤቶች ፊያስ ውስጥ ሲሰሩ የነበሩ እንደሆኑ እና አሁን ድረስ ሌሎች አዳዲስ ቦቶችን፣ ድረገፆችን እና ቻናሎችን በመክፈት የማጭበርበር ተግባር ላይ እየተሳተፉ እንደሆነ ማየት ችለናል። ገንዘባቸው ከተወሰደባቸው እና ጥቆማ ካደረሱን ግለሰቦች የደረሱን መልዕክቶችም ይህንኑ ይጠቁማሉ። 

ምርት፣ አገልግሎት ወይም ስራ ሳይኖራቸውየኮሚሽን ክፍያወይምየስራ ክፍያእንሰጣለን በሚል ክፍያ ከሚጠይቁ እንዲህ አይነት እንድትጠነቀቁ ኢትዮጵያ ቼክ ለማሳሰብ ይወዳል።

ወቅታዊ መረጃዎችን ቀጥታ በኢሜልዎ ለማግኘት ይመዝገቡ

    ያቀረቡትን የግል መረጃ በግላዊ መመሪያችን መሠረት እንጠብቃለን::