በዶ/ር አለሙ ስሜ ስም እና ምስል የተከፈተ ሀሰተኛ የትዊተር አካውንት!

የብልፅግና ፓርቲ የስራ አስፈፃሚ ኮሚቴ አባል በሆኑት በዶ/ር አለሙ ስሜ ስም እና ምስል የተከፈተ የትዊተር አካውንት በርካታ አነጋጋሪ መረጃዎችን እያሰራጨ እንደሆነ ተመልክተናል።

አካውንቱ ህዳር 2014 ዓ/ም ላይ የተከፈተ ሲሆን ኢትዮጵያ ቼክ ታህሳስ ወር ላይ አካውንቱ ሀሰተኛ መሆኑን አረጋግጦ ነበር። በወቅቱም ዶ/ር አለሙ ስሜ አካዉንቱ የርሳቸዉ እንዳልሆነና ተመሳስሎ የተከፈተ መሆኑን ለኢትዮጵያ ቼክ ነግረዋል።

ይሁን እንጂ ይህ አካዉንት የተለያዩ መረጃዎችን ማሰራጨት ከመቀጨሉ በተጨማሪ ታህሳስ ወር ላይ 650 የነበረዉ የተከታዮቹ ብዛት አሁን ላይ ከ6,600 በላይ ደርሷል።

ከትዊተር አካዉንቶች በተጨማሪ በርካታ የፌስቡክ አካዉንቶችና ገጾች የግለሰቡ ስምና ምስልን በመጠቀም መከፈታቸዉንም ተመልክተናል።

ይሁን እንጂ ዶ/ር አለሙ ስሜ አንድ የፌስቡክ ገጽ እንዳላቸዉ ገልፀውልናል: /https://www.facebook.com/Dralemu.official/

ተመሳስለው የሚከፈቱ ገፆችን፣ አካውንቶችን እና ቻናሎችን ባለመከተል ራሳችንን ከሀሰተኛ መረጃ እና የጥላቻ ንግግሮች እንጠብቅ የሁልግዜ መልዕክታችን ነው።

ወቅታዊ መረጃዎችን ቀጥታ በኢሜልዎ ለማግኘት ይመዝገቡ

    ያቀረቡትን የግል መረጃ በግላዊ መመሪያችን መሠረት እንጠብቃለን::