የአርቲስት አቡሽ ዘለቀን ስምና ምስል

በመጠቀም የተከፈተ ሀሰተኛ የትዊተር አካውንት!

አካውንቱ እ..አ ኦገስት 2021 የተከፈተ ሲሆን አሁን ላይ ከ8,500 በላይ ተከታታይ አለው። በአካውንቱ ላይ በርካታ ፖለቲካዊ እና ሌሎች አነጋጋሪ የሆኑ ጉዳዮች እየቀረቡበት ይገኛል፣ በርካታ ግብረመልሶችንም ያገኛል። 

ኢትዮጵያ ቼክ ከአርቲስት አቡሽ ያገኘው መረጃ እንደሚጠቁመው ግን ከላይ የተጠቀሰው አነጋጋሪ የትዊተር አካውንት የእርሱ አለመሆኑን አረጋግጧል። 

በአርቲስቱ ስም የተከፈቱ አንዳንድ የፌስቡክ ገፆችም ይገኛሉ። ከወራት በፊት ወደ 100 ሺህ ገደማ ተከታይ የነበረውን አንድ ሀሰተኛ አካውንትን ፌስቡክ ዘግቷል። አርቲስት አቡሽ የሚጠቀምበት ትክክለኛ የፌስቡክ አካውንት የሚከተለው ነው: https://m.facebook.com/Abbush.Zallaqaa በቅርብም ችግሩን ለመቅረፍ የትዊተር አካውንት እንደሚከፍት አሳውቋል። 

ትክክለኛ የማህበራዊ ሚዲያ አካውንቶችንና ገጾችን ብቻ በመከተል እራሳችንን  ከተዛቡ እና ሀሠተኛ ከሆኑ መረጃዎች እናርቅ።

ወቅታዊ መረጃዎችን ቀጥታ በኢሜልዎ ለማግኘት ይመዝገቡ

    ያቀረቡትን የግል መረጃ በግላዊ መመሪያችን መሠረት እንጠብቃለን::