ከሰሞኑ በብዛት እየተከፈቱ ካሉ ሀሰተኛ የትዊተር አካውንቶች ይጠንቀቁ!

ጳጉሜ  01 2014

ሰሞኑን በርካታ የትዊተር አካውንቶች በታዋቂ ግለሰቦች ስም እየተከፈቱ ይገኛሉ፣ ለዚህምአካውንቴተዘግቶብኝ/ጠፍቶብኝ አዲስ ከፍቻለሁእንዲሁምከዛሬ ጀምሮ ትዊተርን ተቀላቅያለሁየሚሉ ምክንያቶችንይሰጣሉ።

በትክክል በነዚህ ምክንያቶች አዳዲስ አካውንቶችን እየከፈቱ ያሉ ግለሰቦች ሊኖሩ ቢችሉም በርከት ያሉ ሀሰተኛአካውንቶችም እየተከፈቱ እንደሆነ አስተውለናል።

እነዚህን ተመሳስለው የሚከፈቱ አካውንቶችን ላለመከተል እነዚህን ነጥቦች ልብ ይበሉ:

የአካውንቱ ባለቤትን ትክክለኛ/የቀደመ አካውንት የሚያውቁ ከሆነ መዘጋቱን ወይም ትዊት ማረግ ማቆሙንያረጋግጡ

አካውንቱ የተከፈተበትን ግዜ ይመልከቱ

በአካውንቱ ላይ የሚቀርቡ መልዕክቶችን ይመርምሩ፣ ፅሁፎችን በራሱ ያቀርባል ወይስ የሌሎችን በብዛትሪትዊት ያደርጋል?

ግለሰቡ የፌስቡክ ወይም ሌላ አካውንት/ገፅ ካለው እዛ ላይ ከሚፃፈው ጋር ተመሳሳይ/ተቃራኒ መሆኑን ልብይበሉ

አካውንቱን የሚከተሉትን ግለሰቦች እና ድርጅቶች ይመልከቱ፣ የተከታዮቹን ብዛትም ግንዛቤ ውስጥ ያስገቡ

በአካውንቱ ላይ የሰፈረውን የፕሮፋይል መረጃ (ፎቶ፣ ድረገፅ፣ ስራ ወዘተ) በአፅንኦት ይመልከቱ

ከነዚህ ውስጥ አንዱ ብቻውን ሀሰተኛ የትዊተር አካውንትን ለመለየት በቂ ላይሆን ይችላል፣ ነገር ግን ሁሉምበአንድነት ሲቃኙ ፍንጮችን ሊሰጡ ይችላሉ።

አንዳንድ ጥናቶች ትዊተር ላይ ካሉት አካውንቶች መሀል 4% የሚሆኑት ሀሰተኛ እንደሆኑ ይጠቁማሉ። ይህንንግንዛቤ ውስጥ በማስገባት ትዊተር ላይ የሚከተሏቸውን አካውንቶች በጥንቃቄ ይምረጡ።

ወቅታዊ መረጃዎችን ቀጥታ በኢሜልዎ ለማግኘት ይመዝገቡ

    ያቀረቡትን የግል መረጃ በግላዊ መመሪያችን መሠረት እንጠብቃለን::